January 21st, 2024 | Post by :- Kuljit Singh Hans | 178 Views

ਕੱਥੂਨੰਗਲ ਅਤੇ ਸੱਚਰ ਨੇ ਵਿਨੋਦ ਭੰਡਾਰੀ ਦੀ ਮੋਤ ਤੇ ਪਰਿਵਾਰ ਨਾਲ ਕੀਤਾ ਦੁੱਖ ਸਾਂਝਾ
ਭੰਡਾਰੀ ਦੇ ਜਾਣ ਨਾਲ ਇਲਾਕੇ ਨੂੰ ਪਿਆ ਨਾ ਪੂਰਾ ਹੋਣ ਵਾਲਾ ਘਾਟਾ-ਕੱਥੂਨੰਗਲ, ਸੱਚਰ
ਚਵਿੰਡਾ ਦੇਵੀ,21ਜਨਵਰੀ (ਕੁਲਜੀਤ ਸਿੰਘ)ਚਵਿੰਡਾ ਦੇਵੀ ਦੇ ਵਸਨੀਕ ਅਤੇ ਪੁਰਾਣੇ ਨਾਮੀ ਵਪਾਰੀ ਸਵਰਗੀ ਵਿਨੋਦ ਭੰਡਾਰੀ ਜਿਹੜੇ ਕਿ ਸੰਖੇਪ ਬਿਮਾਰੀ ਉਪਰੰਤ ਬੀਤੇ ਦਿਨੀ ਅਕਾਲ ਚਲਾਣਾ ਕਰ ਗਏ ਸਨ। ਉਨ੍ਹਾਂ ਦੀ ਹੋਈ ਬੇਵਕਤੀ ਮੌਤ ਉਪਰੰਤ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਨ ਵਾਸਤੇ ਅੱਜ ਮਜੀਠਾ ਹਲਕੇ ਤੋਂ ਕਾਂਗਰਸ ਪਾਰਟੀ ਦੇ ਸਾਬਕਾ ਵਿਧਾਇਕ ਕਾਂਗਰਸ ਪਾਰਟੀ ਦੇ ਥੰਮ ਸਵਿੰਦਰ ਸਿੰਘ ਕੱਥੂਨੰਗਲ ਅਤੇ ਉਨ੍ਹਾਂ ਨਾਲ ਕਾਂਗਰਸ ਪਾਰਟੀ ਮਜੀਠਾ ਹਲਕੇ ਦੇ ਇੰਚਾਰਜ ਭਗਵੰਤਪਾਲ ਸਿੰਘ ਸੱਚਰ ਵਿਸ਼ੇਸ਼ ਰੂਪ ਤੇ ਉਨ੍ਹਾਂ ਦੀ ਗ੍ਰਹਿ ਚਵਿੰਡਾ ਦੇਵੀ ਵਿਖੇ ਪੁੱਜੇ ਜਿਥੇ ਉਨ੍ਹਾਂ ਨੇ ਸਵ: ਵਿਨੋਦ ਭੰਡਾਰੀ ਦੇ ਪੁੱਤਰ ਪੱਤਰਕਾਰ ਅਸੀਸ ਭੰਡਾਰੀ, ਵਿੱਕੀ ਭੰਡਾਰੀ, ਸਿਖਾਂ ਭੰਡਾਰੀ ਨਾਲ ਡੂੰਘੀ ਹਮਦਰਦੀ ਜਾਹਿਰ ਕੀਤੀ। ਉਨ੍ਹਾਂ ਨੇ ਭੰਡਾਰੀ ਪਰਿਵਾਰ ਨੂੰ ਭਰੋਸਾ ਦਿਵਾਇਆ ਕਿ ਉਹ ਅਤੇ ਉਨ੍ਹਾਂ ਦਾ ਪਰਿਵਾਰ ਹਮੇਸ਼ਾ ਭੰਡਾਰੀ ਪਰਿਵਾਰ ਨਾਲ ਹੈ। ਕੱਥੂਨੰਗਲ ਅਤੇ ਸੱਚਰ ਨੇ ਕਿਹਾ ਕਿ ਭੰਡਾਰੀ ਦੇ ਜਾਣ ਨਾਲ ਇਲਾਕੇ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ ਕਿਉਂਕਿ ਭੰਡਾਰੀ ਨੇ ਵਪਾਰੀ ਹੋਣ ਦੇ ਨਾਤੇ ਹਮੇਸ਼ਾ ਹੀ ਇਲਾਕੇ ਨਾਲ ਖੜੇ ਹੋ ਕਿ ਸਬੂਤ ਦਿੱਤਾ। ਇਸ ਮੌਕੇ ਇਸ ਦੁੱਖ ਦੀ ਘੜੀ ਵਿੱਚ ਸੀਨੀਅਰ ਆਗੂ ਸਵਰਨ ਸਿੰਘ ਮੁਨੀਮ, ਸਾਬਕਾ ਸਰਪੰਚ ਬਲਦੇਵ ਸਿੰਘ ਦੇਬਾ ਚਵਿੰਡਾ ਦੇਵੀ, ਡਾਕਟਰ ਭੁਪਿੰਦਰ ਸਿੰਘ ਸੱਚਰ, ਗੁਰਮੀਤ ਸਿੰਘ ਭੀਲੋਵਾਲ, ਰਵਿੰਦਰਪਾਲ ਸਿੰਘ ਹਦਾਇਤਪੁਰਾਂ, ਨਿੰਮਾ ਡਾਰੀਕੇ ਆਦਿ ਹਾਜ਼ਰ ਸਨ।

ਕੈਪਸਨ: ਬੀਤੀ ਦਿਨੀਂ ਸਵਰਗੀ ਵਿਨੋਦ ਭੰਡਾਰੀ ਦੀ ਹੋਈ ਮੌਤ ਤੇ ਪੱਤਰਕਾਰ ਅਸੀਸ ਭੰਡਾਰੀ, ਸਿਖਾਂ ਭੰਡਾਰੀ ਅਤੇ ਵਿੱਕੀ ਭੰਡਾਰੀ ਨਾਲ ਦੁੱਖ ਸਾਂਝਾ ਕਰਦੇ ਹੋਏ ਕਾਂਗਰਸ ਪਾਰਟੀ ਦੇ ਥੰਮ ਸਵਿੰਦਰ ਸਿੰਘ ਕੱਥੂਨੰਗਲ, ਕਾਂਗਰਸ ਪਾਰਟੀ ਮਜੀਠਾ ਹਲਕੇ ਦੇ ਇੰਚਾਰਜ ਭਗਵੰਤਪਾਲ ਸਿੰਘ ਸੱਚਰ ਆਦਿ।