ਕਿਸਾਨ ਮਜ਼ਦੂਰ ਸੰਘਰਸ਼ ਕਮੇਟੀ ਪੰਜਾਬ ਦੇ ਸੂਬਾ ਆਗੂ ਗੁਰਬਚਨ ਸਿੰਘ ਚੱਬਾ,ਜਰਮਨਜੀਤ ਸਿੰਘ ਬੰਡਾਲਾ,ਸਰਵਣ ਸਿੰਘ ਪੰਧੇਰ,ਜਿਲਾ ਪ੍ਰਧਾਨ ਰਣਜੀਤ ਸਿੰਘ ਕਲੇਰਬਾਲਾ ਦੀ ਅਗਵਾਈ ਹੇਠ ਕਿਸਾਨ ਆਗੂਆਂ ਦੇ ਵਫਦ ਵਲੋਂ ਝੋਨੇ ਦੇ ਸੀਜ਼ਨ ਨੂੰ ਦੇਖਦਿਆਂ ਬਿਜਲੀ ਸਬੰਧੀ ਆ ਰਹੀਆਂ ਮੁਸ਼ਕਲਾਂ ਨੂੰ ਹੱਲ ਕਰਵਾਉਣ ਸਮੇਤ ਹੋਰ ਮੰਗਾਂ ਨੂੰ ਲੈਕੇ ਐਸ.ਈ. ਪਾਵਰਕਾਮ ਅੰਮ੍ਰਿਤਸਰ ਨਾਲ ਮੀਟਿੰਗ ਕੀਤੀ ਗਈ ਅਤੇ 8 ਜੂਨ ਦੇ ਧਰਨਿਆਂ ਸਬੰਧੀ ਮੰਗ ਪੱਤਰ ਸੌਂਪਿਆ।ਇਸ ਮੀਟਿੰਗ ਵਿੱਚ ਮੀਟਿੰਗ ਵਿੱਚ ਸਮੂਹ ਐਕਸੀਅਨ ਤੇ ਹੋਰ ਪਾਵਰਕਾਮ ਅਧਿਕਾਰੀ ਹਾਜ਼ਰ ਰਹੇ।ਸੂਬਾ ਪ੍ਰੈੱਸ ਸਕੱਤਰ ਡਾ: ਕੰਵਰਦਲੀਪ ਸਿੰਘ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਾਵਰਕਾਮ ਦਾ ਕੀਤਾ ਜਾ ਰਿਹਾ ਨਿੱਜੀਕਰਨ ਬੰਦ ਕਰਨ,ਚਿੱਪ ਵਾਲੇ ਸਮਾਰਟ ਮੀਟਰ ਨਾਂ ਲੱਗਣ ਦੇਣ ਅਤੇ ਹੇਠਲੇ ਪੱਧਰ ਉੱਤੇ ਆ ਰਹੀਆਂ ਸਮੱਸਿਆਵਾਂ ਜਿਵੇਂ ਨਿਰਵਿਘਨ ਬਿਜਲੀ ਸਪਲਾਈ,ਸਬ ਡਵੀਜ਼ਨਾਂ ਵਿੱਚ ਸਮਾਨ,ਗੱਡੀ ਦੀ ਘਾਟ ਨੂੰ ਦੂਰ ਕਰਕੇ ਗੱਡੀ,ਰੱਸਾ,ਚੈਨ ਕੁੱਪੀ ਦਾ ਪ੍ਰਬੰਧ ਕਰਨ,ਓਵਰਲੋਡ ਗਰਿੱਡ ਟ੍ਰਾਂਸਫਾਰਮਰ ਡੀਲੋਡ ਕਰਨ, ਪਾਵਰਕਾਮ ਵਿੱਚ ਠੇਕੇਦਾਰੀ ਸਿਸਟਮ ਰੱਦ ਕਰਕੇ ਖਾਲੀ ਪਈਆਂ ਅਸਾਮੀਆਂ ਤੁਰੰਤ ਭਰਨ ਸਮੇਤ ਹੋਰ ਕਈ ਮੰਗਾ ਨੂੰ ਲੈਕੇ 8 ਜੂਨ ਤੋਂ ਪੰਜਾਬ ਭਰ ਦੇ ਸਾਰੇ ਐੱਸ.ਡੀ.ਓ. ਦਫਤਰਾਂ ਅੱਗੇ ਦੋ ਕਿਸਾਨ ਜਥੇਬੰਦੀਆਂ ਵੱਲੋਂ ਵਿਸ਼ਾਲ ਧਰਨੇ ਦਿੱਤੇ ਜਾਣਗੇ।ਇਸ ਮੌਕੇ ਜਿਲਾ ਆਗੂ ਲਖਵਿੰਦਰ ਸਿੰਘ ਡਾਲਾ,ਬਾਜ਼ ਸਿੰਘ ਸਾਰੰਗੜਾ, ਕੁਲਜੀਤ ਸਿੰਘ ਕਾਲੇ ਘਨੁਪੁਰ, ਸਵਿੰਦਰ ਸਿੰਘ ਰੂਪੋਵਾਲੀ,ਕੰਧਾਰਾ ਸਿੰਘ ਭੋਏਵਾਲ,ਅੰਗਰੇਜ਼ ਸਿੰਘ ਸੈਂਸਰਾ,ਅਮਰਦੀਪ ਸਿੰਘ ਗੋਪੀ, ਬਲਵਿੰਦਰ ਸਿੰਘ ਰੁਮਾਣਾਚੱਕ, ਬਲਜਿੰਦਰ ਸਿੰਘ ਸਭਰਾ ਆਦਿ ਆਗੂ ਹਾਜ਼ਰ ਸਨ।